How to Stop Pigeons from Balcony Naturally: कबुतरं बाल्कनी आणि खिडक्यांमध्ये आसरा शोधतात आणि हळूहळू तिथे कायमची राहू लागतात.त्यांची घाण, पिसं आणि दुर्गंधी आरोग्यासाठी धोकादायक ठरू शकते. म्हणूनच कबुतरांना इजा न करता घरापासून दूर ठेवण्यासाठी सुरक्षित आणि घरगुती उपाय जाणून घेणं महत्त्वाचं आहे.
.jpg "How to Stop Pigeons from Balcony Naturally - घराच्या बाल्कनी आणि गॅलरीत कबुतरं येऊ नयेत यासाठी सोपे, मुघल कालीन पद्धत नक्की वापरून पाहा")
How to Stop Pigeons from Balcony Naturally
शहरांमध्ये उंच इमारती, मोकळ्या बाल्कनी आणि खिडक्यांच्या कडा या कबुतरांसाठी सुरक्षित आसरा बनल्या आहेत. सुरुवातीला दोन-चार कबुतरं दिसतात, पण काही दिवसांतच तीच जागा त्यांचं कायमचं ठिकाण बनते. परिणामी घरात घाण, दुर्गंधी, पिसं आणि आरोग्याच्या समस्या सुरू होतात. कबुतरांची घाण केवळ अस्वच्छ दिसते असं नाही, तर त्यामध्ये असलेले जंतू, बॅक्टेरिया आणि फंगस आरोग्यासाठी गंभीर धोका निर्माण करू शकतात. त्यामुळे अनेक लोकांचा प्रश्न असतो कबुतरांना मारल्याशिवाय, त्रास न देता घरातून कसे पळवायचे? आज आपण पाहूया कबुतरं घराजवळ येऊ नयेत यासाठी प्रभावी, सुरक्षित आणि घरगुती उपाय, जे नियमित केल्यास कायमस्वरूपी फायदा होतो.
कबुतरांना पळवताना या चुका टाळा
कबुतरांचा त्रास झाल्यावर अनेक जण चिडचिडीत होऊन घाईघाईत चुकीचे उपाय करतात. मात्र अशा चुका केल्यास समस्या सुटण्याऐवजी अधिक वाढू शकते, शिवाय कायदेशीर किंवा आरोग्यविषयक अडचणीही येऊ शकतात. त्यामुळे कबुतरांना पळवताना काय करायचं आणि काय करू नये हे समजून घेणं अत्यंत महत्त्वाचं आहे.
लसूण-मिरची पाणी फवारणी
कबुतरांना काही विशिष्ट वास अजिबात सहन होत नाहीत. त्यामध्ये लसूण आणि मिरचीचा तीव्र वास सर्वात प्रभावी मानला जातो. हा उपाय पूर्णपणे घरगुती, नैसर्गिक आणि सुरक्षित आहे.
असा वापरा उपाय
- 5 ते 6 लसूण पाकळ्या आणि 2 हिरव्या मिरच्या मिक्सरमध्ये वाटून घ्या
- हे मिश्रण 1 लिटर पाण्यात मिसळा
- हे पाणी गाळून घ्या, म्हणजे स्प्रे अडकणार नाही
- तयार द्रावण स्प्रे बॉटलमध्ये भरा
- कबुतरं जिथे बसतात – खिडकीच्या कडा, रेलिंग, AC युनिट तिथे फवारणी करा
कबुतरांना खाऊ घालू नका
अनेक लोकांना कबुतरांना धान्य टाकणं चांगले काम वाटते. पण प्रत्यक्षात हेच सवयीचं मूळ कारण ठरतं. एकदा अन्न मिळायला लागलं की कबुतरं रोज त्या जागी येतात आणि त्यांची संख्या झपाट्याने वाढते. आज दोन कबुतरं असतील, तर काही दिवसांतच दहा-पंधरा कबुतरं दिसायला लागतात.
अंडी किंवा पिल्लं उचलू नका
कबुतरांची अंडी किंवा पिल्लं हाताने उचलणं, फेकणं किंवा हलवणं चुकीचं आहे. वन्यजीव संरक्षण कायद्यानुसार पक्ष्यांना इजा पोहोचवणं किंवा त्यांची घरटी नष्ट करणं कायदेशीर गुन्हा ठरू शकतो. शिवाय अंडी किंवा पिल्लांना हात लावल्यास कबुतरं अधिक आक्रमक होतात आणि पुन्हा त्याच ठिकाणी परत येतात.
चमकदार वस्तू आणि जुने CD लटकवा
जाळी बसवणं शक्य नसेल, तर तात्पुरता उपाय म्हणून चमकदार वस्तू वापरणं उपयोगी ठरू शकतं. कबुतरांना अचानक होणारी चमक आणि हालचाल आवडत नाही. त्यामुळे अशी ठिकाणं ते शक्यतो टाळतात.
- हा उपाय कसा कराल
- बाल्कनीत किंवा खिडकीजवळ जुने CD दोरीने बांधून लटकवा
- अॅल्युमिनियम फॉइल किंवा चमकदार प्लास्टिक पट्ट्या वापरा
- बाजारात मिळणारी रिफ्लेक्टिव्ह टेप रेलिंगवर चिकटवा
- या वस्तू वार्याने हलतील अशा ठिकाणी लावा
जर तुम्हाला ही माहिती आवडली असेल तर खाली दिलेल्या बटणाद्वारे Whats App आणि Facebook, Twitter वर आपल्या मित्र, नातेवाईक आणि मित्रमैत्रिणींसोबत शेअर करा. जेणेकरून त्यांनाही याची माहिती मिळू शकेल.
Read Also,
.jpg)
.jpg)
.jpg)
.jpg)
